സോളാര്‍ മാന നഷ്‌ടക്കേസ്; ഹൈബി ഈഡന്‍ മാപ്പ് പറയണം: ഡിവൈഎഫ്‌ഐ

സോളാര്‍ കേസില്‍ ആരോപണ വിധേയയായ സ്ത്രീയെയും ഹൈബി ഈഡനെയും ചേര്‍ത്ത് ഡിവൈഎഫ്‌ഐ അപകീര്‍ത്തികരമായ പ്രചാരണം നടത്തിയെന്നാരോപിച്ചു ഹൈബി ഈഡന്‍ എം.പി നല്‍കിയ കേസാണ് കോടതി തള്ളിയത്

സോളാര്‍ മാന നഷ്‌ടക്കേസ്; ഹൈബി ഈഡന്‍ മാപ്പ് പറയണം: ഡിവൈഎഫ്‌ഐ

ഡിവൈഎഫ്‌ഐക്കെതിരായി ഹൈബി ഈഡന്‍ നല്‍കിയ പരാതി കഴമ്പില്ലാത്തതാണ് കണ്ട് കോടതി തള്ളിയ സാഹചര്യത്തില്‍ സംഘടനയ്ക്കെതിരെ ഹൈബി ഈഡന്‍ നടത്തിയ ആരോപണങ്ങള്‍ പിന്‍വലിച്ച്‌ അദ്ദേഹം മാപ്പ് പറയാന്‍ തയ്യാറാകണമെന്ന് ഡിവൈഎഫ്‌ഐ സംസ്ഥാന സെക്രട്ടറിയേറ്റ് പ്രസ്താവനയില്‍ ആവശ്യപ്പെട്ടു.

സോളാര്‍ കേസില്‍ ആരോപണ വിധേയയായ സ്ത്രീയെയും ഹൈബി ഈഡനെയും ചേര്‍ത്ത് ഡിവൈഎഫ്‌ഐ അപകീര്‍ത്തികരമായ പ്രചാരണം നടത്തിയെന്നാരോപിച്ചു ഹൈബി ഈഡന്‍ എം.പി നല്‍കിയ കേസാണ് കോടതി തള്ളിയത്. ഹൈബി ഈഡനും സാക്ഷികളും നല്‍കിയ മൊഴികള്‍ വിശ്വാസയോഗ്യമല്ലെന്നും പരസ്പരബന്ധമില്ലാത്തതാണെന്നും കണ്ടെത്തിയാണ് എറണാകുളം അഡീഷണല്‍ ചീഫ് ജുഡീഷ്യല്‍ മജിസ്ട്രേട്ട് കോടതി കേസ് തള്ളിയിരിക്കുന്നത്.

വാർത്തകൾ അതിവേഗത്തിൽ ലഭിക്കാൻ നാരദാ ന്യൂസ് whatsapp ഗ്രൂപ്പിൽ അംഗമാകൂ...????
https://chat.whatsapp.com/ICRiwOclDdj3gsNHizHHC3

നിരവധി രേഖകള്‍ പരിശോധിക്കുകയും സാക്ഷികളെ വിസ്തരിക്കുകയും ചെയ്തശേഷമാണ് കോടതി ഹൈബി ഈഡന്റെ കേസ് തള്ളിയത്. സോളാര്‍ കേസില്‍ ഒട്ടനവധി കോണ്‍ഗ്രസ്സ് നേതാക്കളുടെ കൂടെ തുടക്കം മുതല്‍ പറഞ്ഞു കേട്ട പേരാണ് ഹൈബി ഈഡന്റേത്. ഏറ്റവുമൊടുവില്‍ സോളാര്‍ പീഡന പരാതിയെ തുടര്‍ന്ന് ഒരു മാസം മുന്നേ ഹൈബി ഈഡന്‍ താമസിച്ച എംഎല്‍എ ഹോസ്റ്റലില്‍ പരാതിക്കാരിയുമായി നേരിട്ടെത്തി സിബിഐ ഉദ്യോഗസ്ഥര്‍ തെളിവ് ശേഖരിച്ചിരുന്നു.

വാർത്തകൾ അതിവേഗത്തിൽ ലഭിക്കാൻ നാരദാ ന്യൂസ് Telegram ചാനലിൽ അംഗമാകൂ...????
http://t.me/naradanewsmalayalam

ഹൈബി ഈഡനെതിരെയുള്ളത് ഡിവൈഎഫ്‌ഐ ചമച്ച പരാതിയല്ല. ഗുരുതരസ്വഭാവമുള്ള ലൈംഗികപീഡന പരാതിയാണ്. തെരഞ്ഞെടുപ്പ് കാലത്ത് എതിര്‍സ്ഥാനാര്‍ഥിക്കെതിരെ അപവാദ പ്രചരണം നടത്തുന്ന രീതി ഡിവൈഎഫ്‌ഐ-ക്കില്ല. അത് ഹൈബി ഈഡന്റെ പാര്‍ട്ടിയുടെ സ്ഥിരം പരിപാടിയാണ് താനും. ഈ സാഹചര്യത്തില്‍ ഹൈബി ഈഡന്‍ നടത്തിയ ആരോപണങ്ങള്‍ പിന്‍വലിച്ച്‌ അദ്ദേഹം മാപ്പ് പറയാന്‍ തയ്യാറാകണമെന്ന് ഡിവൈഎഫ്‌ഐ ആവശ്യപ്പെട്ടു.