ഇന്ത്യയില്‍ അടുത്ത അഞ്ച് ദിവസം കടുത്ത ചൂട്; മുന്നറിയിപ്പുമായി ഐ എം ഡി

അടുത്ത അഞ്ച് ദിവസത്തിനുള്ളില്‍ രാജ്യത്തുടനീളം കടുത്ത ചൂട് ശക്തമാകും. രാജസ്ഥാന്‍, മധ്യ പ്രദേശ്, മഹാരാഷ്‌ട്രയുടെ ചില ഭാഗങ്ങള്‍ എന്നിവിടങ്ങളില്‍ ഐ എം ഡി (ഇന്ത്യൻ കാലാവസ്ഥ വകുപ്പ് )ഓറഞ്ച് അലര്‍ട്ട് പ്രഖ്യാപിച്ചു. അടുത്ത അഞ്ച് ദിവസത്തിനുള്ളില്‍ ഇന്ത്യയുടെ വടക്ക് പടിഞ്ഞാറന്‍ ഭാഗങ്ങളിലും മധ്യ ഭാഗങ്ങളിലും, മൂന്ന് ദിവസങ്ങളില്‍ കിഴക്കന്‍ ഇന്ത്യയിലും ഉഷ്ണതരംഗം തുടരും.

വാർത്തകൾ അതിവേഗത്തിൽ ലഭിക്കാൻ നാരദാ ന്യൂസ് whatsapp ഗ്രൂപ്പിൽ അംഗമാകൂ...????
https://chat.whatsapp.com/ICRiwOclDdj3gsNHizHHC3

പാകിസ്ഥാനില്‍ നിന്നെത്തുന്ന പടിഞ്ഞാറന്‍ കാറ്റാണ് ഇന്ത്യയിലെ കടുത്ത ചൂടിന് കാരണമാകുന്നത്. ഉത്തര്‍പ്രദേശിലെ അലഹബാദില്‍ ഏറ്റവും ഉയര്‍ന്ന താപനിലയായ 45.9 ഡിഗ്രി സെല്‍ഷ്യസ് ചൂടുണ്ടാവുമെന്ന് ഇന്ത്യൻ കാലാവസ്ഥ വകുപ്പ് വ്യക്തമാക്കുന്നു. രാജസ്ഥാൻ, ഗുജറാത്ത്, പഞ്ചാബ്, ഹരിയാന, ഡൽഹി, ഉത്തർപ്രദേശ്, ബിഹാർ, ജാർഖണ്ഡ്, മധ്യപ്രദേശ്, മഹാരാഷ്ട്ര, ഛത്തീസ്ഗഡ്, ഒഡീഷ, തെലങ്കാന, പശ്ചിമ ബംഗാൾ എന്നിവിടങ്ങളിൽ പോലും ഉഷ്ണതരംഗം രൂക്ഷമാകും.

വടക്കുപടിഞ്ഞാറൻ, മധ്യ ഇന്ത്യ എന്നിവിടങ്ങളിൽ മെയ് 1 വരെയും കിഴക്കൻ ഇന്ത്യയിൽ അടുത്ത മൂന്ന് ദിവസങ്ങളിലും ഉഷ്ണതരംഗ സാഹചര്യങ്ങൾ നിലനിൽക്കാൻ സാധ്യതയുണ്ടെന്നും ഐ എം ഡി വ്യക്തമാക്കുന്നു. മെയ് 2,4 ദിവസങ്ങളില്‍ വടക്കുപടിഞ്ഞാറൻ ഹിമാലയൻ മേഖലയിൽ നേരിയതോ മിതമായതോ ആയ മഴയ്ക്ക് സാധ്യതയുണ്ട്, അതേസമയം വടക്കുപടിഞ്ഞാറൻ ഇന്ത്യയിലെ സമതലങ്ങളിൽ മെയ് 3-4 വരെ ഒറ്റപ്പെട്ട നേരിയ മഴ ലഭിക്കാൻ സാധ്യതയുണ്ട്.

വാർത്തകൾ അതിവേഗത്തിൽ ലഭിക്കാൻ നാരദാ ന്യൂസ് Telegram ചാനലിൽ അംഗമാകൂ...????
http://t.me/naradanewsmalayalam

പഞ്ചാബ്, ഹരിയാന, ചണ്ഡീഗഡ്, ഡൽഹി, ഉത്തർപ്രദേശ്, രാജസ്ഥാൻ എന്നിവിടങ്ങളിൽ വെള്ളിയാഴ്ച പൊടിക്കാറ്റിന് സാധ്യതയുണ്ടെന്ന് ഐഎംഡി മുന്നറിയിപ്പ് നൽകി