മട്ടന്‍ ഹലീമിന് ആവശ്യക്കാരേറെ; റമദാനിലെ ആദ്യം 20 ദിവസം സ്വിഗി വിറ്റത് 8 ലക്ഷം ചിക്കന്‍ ബിരിയാണി

നിരവധി റമദാന്‍ കാല ഭക്ഷണങ്ങള്‍ മാര്‍ക്കറ്റിലുണ്ടെങ്കിലും ഹലീമിനാണ് ആവശ്യക്കാര്‍ ഏറെയെന്നും കമ്പനി അറിയിച്ചു. നോണ്‍ വെജ് ഭക്ഷണങ്ങള്‍ക്ക് കഴിഞ്ഞ വര്‍ഷത്തേക്കാള്‍ 33 മടങ്ങ് കൂടുതല്‍ ഓര്‍ഡര്‍ ലഭിച്ചു. റമദാനിലെ ആദ്യ 20 ദിവസങ്ങളിൽ 8 ലക്ഷം ചിക്കൻ ബിരിയാണി ഓർഡറുകളാണ് ലഭിച്ചത്.

മട്ടന്‍ ഹലീമിന് ആവശ്യക്കാരേറെ; റമദാനിലെ ആദ്യം 20 ദിവസം സ്വിഗി വിറ്റത് 8 ലക്ഷം ചിക്കന്‍ ബിരിയാണി

റമദാനില്‍ ഹൈദരബാദിലെ പ്രധാന വിഭവമായ ഹലീമിന് ആവശ്യക്കാര്‍ ഏറിയതായി ഫുഡ് ഡെലിവറി ആപ്പായ സ്വിഗി അറിയിച്ചു. കഴിഞ്ഞ രണ്ട് വര്‍ഷങ്ങളിലും റമദാന്‍ ആഘോഷങ്ങള്‍ ഉണ്ടായിരുന്നില്ല. അതിനാല്‍ തന്നെ ഇത്തവണ വന്‍ വില്‍പ്പനയാണ് നടക്കുന്നതെന്നും സ്വിഗി അറിയിച്ചു. നിരവധി റമദാന്‍ കാല ഭക്ഷണങ്ങള്‍ മാര്‍ക്കറ്റിലുണ്ടെങ്കിലും ഹലീമിനാണ് ആവശ്യക്കാര്‍ ഏറെയെന്നും കമ്പനി അറിയിച്ചു.

വാർത്തകൾ അതിവേഗത്തിൽ ലഭിക്കാൻ നാരദാ ന്യൂസ് whatsapp ഗ്രൂപ്പിൽ അംഗമാകൂ...????
https://chat.whatsapp.com/ICRiwOclDdj3gsNHizHHC3

നോണ്‍ വെജ് ഭക്ഷണങ്ങള്‍ക്ക് കഴിഞ്ഞ വര്‍ഷത്തേക്കാള്‍ 33 മടങ്ങ് കൂടുതല്‍ ഓര്‍ഡര്‍ ലഭിച്ചു. റമദാനിലെ ആദ്യ 20 ദിവസങ്ങളിൽ 8 ലക്ഷം ചിക്കൻ ബിരിയാണി ഓർഡറുകളാണ് ലഭിച്ചത്. പായ നിഹാരിസ്, സമൂസ, റബ്ദി, മൽപുവ എന്നിവയുടെ വിൽപ്പനയും കഴിഞ്ഞ വർഷത്തെ അപേക്ഷിച്ച് കൂടുതലാണ്. ഹലീം ഓർഡറുകൾ 33 ശതമാനം വർധിച്ചപ്പോൾ പായ നിഹാരി ഓർഡറുകൾ കഴിഞ്ഞ വർഷത്തെ അപേക്ഷിച്ച് 30 ശതമാനം വർധിച്ചു.

വാർത്തകൾ അതിവേഗത്തിൽ ലഭിക്കാൻ നാരദാ ന്യൂസ് Telegram ചാനലിൽ അംഗമാകൂ...????
http://t.me/naradanewsmalayalam

ദിവസവും നോമ്പ് തുറക്കുന്ന ഇഫ്താര്‍ സമയമായ വൈകുന്നേരം 5 മണി മുതൽ 7 മണി വരെ, ചിക്കൻ 65, മസാല ദോശകൾ, തേങ്ങാ ഐസ്ക്രീം, ഗുലാബ് ജാമുൻ, രസ്മലൈ തുടങ്ങിയ പലഹാരങ്ങൾക്കും സ്വിഗ്ഗിയില്‍ ആവശ്യക്കാര്‍ ഏറെയാണ്. റമദാനിൽ വൈകുന്നേരത്തെ ലഘുഭക്ഷണത്തിന് നാലര ലക്ഷത്തോളം ഓർഡറുകൾ ലഭിക്കാറുണ്ടെന്നും കമ്പനി അറിയിച്ചു.

റമദാന്‍ കാലത്ത് ജനങ്ങള്‍ സാധാരണയായി ഭക്ഷണ കഴിക്കാന്‍ രാത്രി കാലങ്ങളില്‍ പുറത്ത് പോകുന്നത് പതിവാണ്. എന്നാല്‍ കൊവിഡ് കാലമായതിനാല്‍ സ്വിഗി സൊമാറ്റോ പോലുള്ള ഫുഡ് ഡെലിവറി ആപ്പുകള്‍ക്ക് അടുത്ത കാലത്ത് ആവശ്യക്കാര്‍ ഏറിയിട്ടുണ്ട്.